Sei Foli pà i chjuchi

Titre alternatif : Mamma Natura Noca Pettirussu U Natali di Petru Vacciareddu Bona festa o Stè !

Titre : Sei Foli pà i chjuchi

Description : CD pour les enfants Lecture des ouvrages parus aux éditions Albiana en coédition avec le Centre culturel universitaire Complément audio idéal

Transcription : Mamma natura : Mamma natura t’hà una bedda casa piatta in a furesta.T’hà quattru fiddoli. Ugnunu dormi in a so stanza. A scola hè principiata pocu fà. Prestu presto, Mamma Natura pichja à a porta di una stanza :- Scitati, o vaghjì ! Tocca à tè ! S’apri a porta è esci Vaghjimu. Hè vistutu di giaddu è di russu.Teni in manu una sporta piena à noci è à castagni.Basgia a so mamma è si ni và. Faci u ghjiru di u mondu.Và in tutti i paesi.Dici bonghjornu à i ziteddi è lid à una noci o una castagna.Dici bonghjornu à l’arburi è li dà un pezzu di u so manteddu giaddu à rossu.Stancu mortu, volta in casa è si chjina. Babbu Natali s’avvicina. Prestu prestu, Mamma Nature pichja à l’altra porta :- Sciatati, o Inguè ! Tocca à tè ! S’apri a porta è esci Inguernu. Hè vistutu di biancu.Teni in manu una sporta piena à bocci di nivi.Basgia a so mamma è si ni và. Faci u ghjiru di u mondu.Và in tutti i paesi.Dici bonghjornu à i ziteddi è lid à una boccia di nivi.Dici bonghjornu à l’arburi è li dà un pezzu di u so manteddu biancu.Stancu mortu, volta in casa è si chjina. I campani di Pasqua s’approntani. Prestu prestu, Mamma Natura pichja à l’altra porta :- Scitati, o Brà ! Tocca à tè ! S’apri a porta è esci Branu. Hè vistutu di verdu. Teni in manu una sporta piena à fiora di tutti i culora. Basgia a so mamma è si ni và. Faci u ghjiru di u mondu. Và in tutti i paesi.Dici bonghjornu à l’arburi è li dà un pezzu di u so manteddu verdu.Stancu mortu, volta in casa, è si chjina. A scola hè pà finiscia. Prestu prestu, Mamma Natura pichja à l’altra porta :- Scitati, o Istà ! Tocca à tè ! S’apri a porta è esci Istati. Hè vistutu d’azurru è di turchinu.Hè incappiddatu d’una bedda baretta. Teni in manu una sporta piena à baretti di tutti i culora. Basgia a so mamma è si ni và.Faci u ghjiru di u mondu. Và in tutti i paesi.Dici bonghjornu à i ziteddi è lid à una baretta.Dici bonghjornu à u celi è li dà un pezzu di u so velu azurru.Dici bonghjornu à u mari è li dà un pezzu di u so velu turchinu.Stancu mortu, volta in casa, è si chjina. A scola hè principiata pocu fà.Prestu prestu, Mamma Natura pichja à a prima porta :- Scitati, o Vaghjì ! Tocca à tè !S’apri a porta è esci Vaghjimu…Nocca : Tempi fà, insù in muntagna, ci era un fiori chjamatu "nocca". A fiancu à una funtana, prufittava di l'acqua è di u soli.U caldu di l'istati hà siccatu a funtana.Nocca t'hà a siti. U soli brusgia. Tinta Nocca !Nocca chjama u soli :- O Sò ! T'aghju a siti. A bia pà piacè.U soli rispondi :- Mi dispiaci, o Nò ! Un ti possu micca dà à bia. U me corpu hè pienu à focu.U soli si ni và è lascia a piazza à a luna. Nocca chjama a luna :- O Lù ! T'aghju a siti. A bia pà piacè.A luna rispondi :- Mi dispiaci, o Nò ! Un ti possu micca dà à bia. U me corpu hè pienu à lumu. A luna si ni và è lascia a piazza à u ventu.Nocca chjama u ventu :- O vè ! T'aghju a siti. A bia pà piacè.- Mi dispiaci, o Nò ! Un ti possu micca dà à bia.U me corpu hè pienu à aria.In a muntagna, u ventu scontra à Nivulonu chì dormi in u vangonu.- Scitati, o Nivulò ! Nocca hà bisognu di tè.- Socu prighjuneri di u vangonu. Aiutami à staccammi.U ventu s'imbuffa è buffula forti forti.Nivulonu si pesa in celi.nocca chjama u nivulonu : - O Nivulò ! T'aghju a siti. A bia pà piacè.- Vulinteri, o Nò ! Ti possu dà à bia. U me corpu hè pienu à acqua.S'apri Nivulonu è lascia falà l'acqua bedda.A funtana si rimetti à cantà.Pettirussu :Ci era cursu u focu in a furesta. Tuttu avia brusgiatu. U nidu di Pettirussu ùn ci era più. Addispiratu, Pettirussu parti à circassi un agrottu pà l'inguernu chì s'avvicina.Scontra à mezu brusgiatu una suvara nera nera.- Suvara, a me amica, fammi un agrottu chì l'inguernu s'avvicina.- Mi dispiaci, o Pettirù ! Un ti possu fà alloghju. Un aghju più una foglia. U focu m'hà brusgiatu.Tristu, Pettirussu bola più luntanu.In un valdu scontra una liccia sicca.- Liccia, a me amica, fammi un agrottu chì l'inguernu s'avvicina.- Mi dispiaci, o Pettirù ! Un ti possu fà alloghju. Un aghju più una foglia. U soli m'hà siccatu.Pettirussu bola più luntanu.In a pineta scontra un pinu stracquatu in tarra.- Pinu, u me amicu, fammi un agrottu chì l'inguernu s'avvicina.- Mi dispiaci, o Pettirù ! Un ti possu fà alloghju. Un aghju più una capichja. U vintacciu m'hà sradicatu.Pettirussu bola più luntanu.In a pineta scontra un pinu stracquatu in tarra.- Pinu, u me amicu, fammi un agrottu chì l'inguernu s'avvicina.- Mi dispiaci, o Pettirù ! Un ti possu fà alloghju. Un aghju più una capichja. U vintacciu m'hà sradicatu.Pettirussu bola più luntanu. In alziccia scontra un alzu spaccatu da l'arcinita.- Alzu, u me amicu, fammi un agrottu chì l'inguernu s'avvicina.- Mi dispiaci, o Pettirù ! Un ti possu fà alloghju. Un aghju più una foglia. L'arcinita m'hà spaccatu.Pettirussu bola più luntanu. In arbitriccia scontra un arbitru à corpu inghjò.- Arbitru, u me amicu, fammi un agrottu chì l'inguernu s'avvicina.- Mi dispiaci, o Pettirù ! Un ti possu fà alloghju. Un aghju più una foglia. A piola di l'omu m'hà taddatu.Tintu Pettirussu ! U fritu hè quì. E mancu un locu da agrundassi.Stendi u so bolu versu u celi.Culà, in alta muntagna, luntanu da u focu, luntanu da a sicchina, luntanu da u ventu, luntanu da l'arcinita, luntanu da l'omu, scontra u laricciu.- Laricciu, u me amicu, tù chì ti ni stà in alta muntagna, fammi un agrottu chì l'inguernu hè qui.- Veni puri, o Pettirù ! Ti possu fà un agrottu pà l'inguernu è pà l'istati. Ti faraghju un beddu cuscinettu, tuttu imbambacciatu.Pettirussu si ni stà sempri in muntagna, incù u so amicu Laricciu. U natali di Petru : Sola sola, à mezu à a campagna, fumichighja a casa di Petru.A ghjaccina sbianca a nature è faci luccicà u satgnu.U babbu di Petru hà missu a cippu in un cantu di u caminu.Forza tinarà sinu à Capu d’annu !Suttu à u pinu luccichenti, i scarpi di Petru aspettani u rigalu.Petru dormi, aspetta à Babbu Natali. A nantu à u so carrozzu d’pru, Babbu Natali cumencia a distribuzioni di rigali.Dui arghjeti, vistuti di furnituri d’ori, tirani à Babbu Natali.Pà supra à i mari,Pà supra à i muntagni,Pà supra à i tarri,Pà supra à i campagni,Bola u carozzu cilestu. In paesi di Petru, Babbu Natali hè passatu in inghji casa,In inghji casanu, in inghji caseddu … da partuttu…Innò ! Micca da partuttu !Stasera a casa si Petru hè annigata suttuÀ una grossa bambaccia di fumaccia.Babbu Natali ùn l,hà micca vista.Davanti à a casa di Petru, à Nantu à un alivu, Ciocciu aspetta.Aspetta à Babbu Natali.U celi sbianca supra à u mari. Più Babbu Natali, più rigali ! Prestu prestu, Ciocciu pighja à a porta di u stabbiu :- O bianchì ! Babbu Natali s’hè sminticatu à Petru.Chì voli dà pà u so rigalu ?- Petru hè bravu. Hè u nosciu amicu.Li demu u nosciu latti biancu. A spiccera, Ciocciu pighja à a porta di u ghjaddinaghju :- O Russè ! Babbu Natali s’hè sminticatu à Petru.Chì dà pà u so rigalu ?- Petru hè bravu. Hè u nosciu amicu.Li demu i nosci ovi bianchi. Ciocciu bola sinu à l’arburu di a ghjandaghja :- O Ghjandà ! Babbu Natali s’hè sminticatu à Petru.Chì voli dà pà u so rigalu ?- Pretru hè bravu. Hè u me amicu. Li docu noci, nucetti, amanduli è uva sicca. Ciocciu bola sinu à a tana di a vulpi :- O Vulpò ! Babbu Natali s’hè sminticatu à Petru.Chì voli dà pà u so rigalu ?- Pretru hè bravu. Hè u me amicu. Li docu a farina castagnina. Ciocciu scita à Misgiu è à Turcu.Tutt’è trè, in cucina,Impastani latti è farina. Canta dighjà u ghjaddu.Si pesa u soli è scalda a natura infritulita.Petru si scita. In quattru salti hè davanti à l’arburu di Natali.Tamanta scuparta ! Stà à bucca aparta.Suttu à l’arbureddu, à cantu à i so scarpi, ci hè una sportaD’arghjenti à un biscuttonu luccichenti. Vacciareddu : U soli si piatta daretu à a muntagna verda.A muntagna duventa rosa.Muvrabedda è Vacciareddu sò à nantu à un canton grisgiu.A muntagna duventa nera.Vacciareddu dormi.Un senti micca cantà u ciocciu : chjuu… chjuu…Un senti m icca miaulà u ghjattivulpi : miau… miau…Un senti micca racanà a vulpi : rau… rau… U soli si pesa daretu à u mari.A muntagna duventa giadda.U soli duventa giaddu giaddu.A muntagna duventa verda.Vacciareddu si scita è s’arrizza. - O Mà ! Falemu in a vadina !Inghjò ci hè l’arba verda.Ci hè a fronda tennara.Ci hè l’acqua frisca.- Iè, o Vacciarè !Ma ci hè dinò u priculu :L’acqua chì curri faci monda trostu.Un’ si senti micca u ghjacaru.Stà sempri à cantu à mè.Si tu mi senti friscià, fiù… fiù…,Scappa, scappaè curri daretu à mè. Com’hè bedda a vadina, è chì friscura !L’acqua frisca roza : roo... roo...A fronda tennara si scuzzulighja.L’arba verda s’asciuva à u soli.Vacciareddu è Muvrabedda si campani.Manghjani è biini. Muvrabedda pesa u capu è friscia : fiù… fiù…Scappa prestu prestu.Vacciareddu hà intesu.Scappa prestu prestu daretu à a so mamma.Ancu assà ! Affacca un ghjacaru abbaghjendu forti : aù… aù…Curri daretu à Muvrabedda è Vacciareddu.Vacciareddu perdi a so strada è si trova solu solu.U ghjacaru curri tutta a ghjurnata daretu à Muvrabedda.U soli si ciotta pianu pianu daretu à a muntagna verda. A muntagna duventa rosa.Hè notti. A muntagna duventa nera.Muvrabedda hè luntana, luntana, in un’antra muntagna.Chjama :- O Vacciarè ! O Vacciarè !Risposta micca.Vacciareddu hè luntanu, luntanu.Pienghji è chjama :- O Mà ! O mà !Risposta mica. U celi sbianca.Luna Vechja spunta daretu à a muntagna.Hè l’amica di tutti l’animali.- Qual’hè chì pienghji ? dumanda Luna Vechja.- Socu eiu, o Luna Vè !- E parchì pienghji, o Vacciarè ?- Aghju persu a me mamma. Socu solu solu. Aghju a paura.- Aspettami quì, à nantu à u cantonu. Vocu à circà a to mamma. Luna Vechja bola in celi, supra à a muntagna.Ugni tantu chjama :- O Muvrabè ! Indu’se’ ?In un’antra muntagna, Muvrabedda rispondi :- Sò quì !- Veni incù mecu, aghju trovu à Vacciareddu !Muvrabedda suveta à Luna Vechja.Vacciareddu hè cuntenti : basgia a so mamma.Muvrabedda hè cuntenti : basgia u so fiddolu.Luna Vechja hè cuntenti :ridi.Tutt’è trè si mettini à cantà è à baddà. Bona festa O Stè : A scola hè finita. Stefana hè muntanata incù u so babbu è a so mamma, insù, in Lufiu. I Capri si capani à mezu à l’arba frisca.Tutta a santa ghjurnata movini à ghjirandulà. Strappani quinci è culandi ciuffi d’arba è bottuli tennari.Stefana ghjoca incù Turcu, u so ghjacaru capraghju. Tutti i seri Turcu torra i Capri in u stabbiu chjusu à muraddi in petra sciolta.Babbu à mamma munghjini mani è sera. Chjamani i capri nomu pà nomu : Bianchina, Palisgiona, Culisgina, Murtona, Facciulina, Stiddata… Ancu Stefana i cunnosci. Idda ùn munghji ancu. I so dituchja ùn ani ancu abbastanza forza pà tirà u latti biancu è caldu. U stabbiu hè à nantu à una cuddetta. Suttu, tamantu vangonu s’apri è si strangola in funda. U soli tramonta. Si ciotta pianu pianu daretu à u monti Calva. U silenziu di a sera.A carezza di u muntesi chì s’alloghja pà a notti. A muntagna s’annirisci. Hè l’ora tantu aspittata da Stefana.Prestu isciarà a so amica. Tutti i seri s’affaca à a stess’ora.Un manca mai. S’abbughja u celi. Eccula ! Culà, supra à u taddu, luci a stedda di u pastori, l’amica di Stefana. Idda s’impuntunighja di fianca à u stabbiu è a chjama :- O Stè ! Bona sera.Senza aspittà li rispondi a stedda :- O Stè ! Bona sera.Una boci chì ribomba in u vangonu.A stessa boci chè a soia. Stefana li manda :- Ti basgia.A stedda li rispondi :- Ti basgiu. U chjama è rispondi di Stefana è di a so amica faci cantà u vangonu.- Ti voddu bè.- Ti voddu bè.- Quanti tù se bedda.- Quanti tù se bedda.- Dumani hè a me festa.- Dumani hè a me festa.- Ti purtaraghju un rigalu.- Ti purtaraghju un rigalu.- Mamma m’aspetta.- Mamma m’aspetta.- A dumani.- A dumani.Stefana s’addurmenta incù u surrisu in bucca. Hè cuntenti d’avè parlatu à a so amica. Aspetta u so rigalu. U lindumani, à l’abbughjata, à nantu à u puntonu, Stefana l’aspetta. Luccica in più bedda in u bughju cecu.- Bona festa, o Stè !- Bona festa, o Stè !- Sò cuntenti oghji.- Sò cuntenti oghji.- Aghju u to rigalu.- Aghju u to rigalu.- Ti mandu una stedda d’oru.- Ti mandu una stedda d’oru. Stefana lampa par aria una stedda d’oru. In quidda u celi si schjarisci incù una fiaccula chì sdrisgia u bughju. A stedda d’oru casca à i pedi di Stefana. - Com’hè bedda !- Com’hè bedda !- Ti ringraziu.- Ti ringraziu.- Bona notti. A dumani.- Bona notti. A dumani. Stefana salta di cuntintezza.T’hà u stessu rigalu chè a so amica.

Format : CD

Discipline : Littératures

Type : Documents sonores

Collection : Ouvrages de la salle de consultation documentaire de la M3C

Créateur : Papi, Arnestu

Editeur : Albiana; Centru Culturale Universitariu (Università di Corsica Pasquale Paoli); Università di Corsica Pasquale Paoli; UMR CNRS 6240 LISA (Università di Corsica Pasquale Paoli)

Contributeur : U Teatrinu

Date : 2008

Langue : Corse

Identifiant : EAN : 3477181500464

Licence : Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International, à la condition expresse de citer l’institution de conservation et l'identifiant de la ressource comme suit : « Médiathèque Culturelle de la Corse, [identifiant de la ressource] ».

Sei Foli pà i chjuchi

Pour aller plus loin dans cette collection

Ajouter un commentaire

Commentaire