Document précédent Document suivant

Citer ce document : Mattei, Julian, Dumenicantone Geronimi, Médiathèque Culturelle de la Corse et des Corses, consulté le 30 novembre 2022, https://m3c.universita.corsica/s/fr/item/2185

Signaler une erreur ?
Titre : Dumenicantone Geronimi
Description : Uriginariu di Marignana, Dumenicantone Geronimi fù principale di cullegiu in Parigi, induv’ellu passò un bellu pezzu di a so vita. Sempre per issa capitale, a so indiatura per a lingua corsa u porta à creà a rivista Rigiru, emblematica di u riacquistu literariu di l’anni settanta, ch’ellu diresse da l’iniziu, in lu 1974, fin’à u 1984. Attore di prima trinca di u Riacquistu, publicò i so articuli è edituriali ind’è riviste è ghjurnali cum’è Populu corsu, A chjamata, Corsica viva o puru Kyrn. Primurosu di dà à a lingua corsa regule ortografiche, publicheghja cù Pasquale Marchetti un manuale praticu d’ortografia corsa, Intricciate è cambiarine, in lu 1971 chì ferma sempre oghje u puntellu maiò per e regule di l’ortografia corsa. Dumenicantone Geronimi fù dinù incaricatu di una missione d’azzione culturale per u retturatu di a Corsica è l’autore di travaglii scentifichi cum’è Perception et organisation de l’espace dans le village corse, un assaghju d’interpretazione per via di u parlatu di Marignana. Fù dinù traduttore di Samuel Becket, cù un’adattazione di En attendant Godot in corsu, ch’ellu publicheghja ind’è Rigiru, è dramaturgu chì si caccia una pezza di teatru, U Ruminzulaghju, in lu 1990 cù Micheli Raffaelli. Esciutu da un rughjonu chì dete tanti pueti di qualità à a Corsica, fù anch’ellu pueta è fece sparte i so versi ind’è A Ghjanna chì si busca u premiu di u libru corsu in lu 2009.   Riferenze bibliugrafiche :   Intricciate è cambiarine (cù Pasquale Marchetti), Nogent-Sur-Marne, edizione Beaulieu, 1971. U Ruminzulaghju (cù Mighele Raffaelli), Aiacciu, La Marge, 1990. A Ghjanna, Aiacciu, edizione Alain Piazzola, 2008.
Discipline : Littératures
Créateur : Mattei, Julian
Date : 1932
Langage : Corse
Licence : Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International, à la condition expresse de citer l’institution de conservation et l'identifiant de la ressource comme suit : « Médiathèque Culturelle de la Corse, [identifiant de la ressource] ».

Ajouter un commentaire

Je suis d'accord avec les conditions d'utilisation et j'accepte de publier sous les termes de la licence CC BY-SA.

Commentaire

Aucun commentaire pour le moment ! Soyez le premier à en ajouter un !